بسم الله الرحمن الرحيم
انا مش عارف ابدء منين بس المهم اني عايز ابعت لكل المدرسين والاشخاص الي ساعدوني شكر بلفضل ولو بكلمه صغيره
ومش لازم الترتيب مين الاول بس الي انا عارفه ان اول فضل عليه هو ربنا سبحانه وتعالي
بشكر كل المدرسين الي فعلا وحشوني جدا ووحشتني حتي دروسهم وكل حاجه
اول مدرس هو مستر احمد عبد المعطي لانه واحد من المدرسين الي ذي العسل والي بحترمهم جدا وهو مثلي الاعلي فعلا
لاني كنت بحب ماده العربي عشانه هو مش عشان الماده لانه مدرس شاطر جدا وعارف هو بيعمل ايه وربنا يخليه علي مستواه كده ديما ويوفقه في تدريس سنه ثالثه ثانوي وميرسي كتير ليه.
تاني مدرس هو مستر علي الجرواني مهما قولت عليه مش هكفيه كلام لانه دمه ذي العسل وكنت بحب الماده عشانه هو ومهما قولت مش هقدر اوصف انه اد ايه شاطر في مادته لاني مش انا الي هقول كفايه ان اسكندريه كلها عنده وياما استحمل
ذكائي في الانجلش
ههههههههه عموما باشكره هو كمان جدا لانه وحشتني حصصه.
تالت مدرس هو بروفيسور محمد فتحي الي في نظري احسن مدرس رياضه في مصر لانه بيعتمد علي الشرح والتطبيق كمان غير كده هو اساسا حببنا في الماده وانا وهو منقعدش في مكان واحد هاديين ابدا اكيد هو طبعا فاهم اننا بنهذر علطول بس في الدراسه دراسه يعني جوه الحصه محدش يعرف يهذر كتييير لكن بره هذار وكل حاجه انت عاوزها عموما هو كمان وحشتني حصصه جدا وبشكره.
رابع مدرس هو استاذ سيد عبده الي من غيره مكنتش هعرف اساسا اذاكر التاريخ اذاي ولا كنت ححب التاريخ كده لانه مدرس مثالي واب كمان مثالي وهو الحمد لله محبوب من كل الناس الي اداهم تاريخ وبرضه دمه ذي العسل وياعيني علي الي مايمشيش معاه كويس
ههههههههه عموما بشكره هو كمان.
وبقيت المدرسين الي عايز اشكرهم هما استاذ فتحي عصفور الي ياما تعب معانا عشان نفهم واحنا اساسا مكنش في دماغنا كيمياء وعلي مهدي مدرس كويس بس مكنش بيطيق حصصنا مش عارف ليه مع اننا ذي مانتو عارفين غلابه مكناش بنعملو حاجه خالص
ههههههههههههههه عموما بشكره هو كمان وبشكر كل الي ساعدني وبوعدهم باني اكون عند حسن حظهم.
قريبا انتظرو فقره رساله اهداء الي اصدقائي
الأربعاء أغسطس 15, 2007 11:14 pm